လူရယ်လိုဖြစ်လာရင် ဘ၀မှာ ဘာအရေးကြီးဆုံးလဲဆိုတာ သိဖို့အရေးကြီးဆုံးပါ။ ငါဆိုတဲ့ အတ္တတခုထဲကို ကြည့်ပြီး လုပ်ချင်တာလုပ်ခဲ့ရင် တဦးတယောက် စိတ်ချမ်းသာဖို့အတွက်နဲ့ လူသားတိုင်းစိတ်ဆင်းရဲနေရမယ်ဆို လူဖြစ်ရတာ မတန်ပါဘူး။ လူသားတိုင်းအတောင့်တဆုံးက လူဖြစ်လာရင် မိသားစုအသိုက်အမြုံ၊ ဆွေမျိုးသူငယ်ချင်း အပေါင်းအသင်း ပြည့်စုံစွာနဲ့ နေချင်ကြတာချည်းပါပဲ။ ဒီလိုလူသားတွေရဲ့ အသိုက်အမြုံကို ဖြိုဖျက်တဲ့လူတွေဟာ ဘ၀တခုလုံး နောင်တတရားတွေ ရနေမှာပါ။ ဒီလိုပဲ လူသားဖြစ်တဲ့အလျောက် အမှားများစွာကိုလဲ လုပ်ခဲ့မိကြတာချည်းပါပဲ။ ဒီအမှားတွေကို အချိန်နှောင်းနေပါစေဦး ပြင်ချင်တယ်ဆိုရင် ပြင်လို့ရပါသေးတယ်။ ကိုယ့်တယောက်ထဲရဲ့ စည်းစိမ်၊ ပြည့်စုံမူတွေကို မကြည့်ပဲ လူသားအားလုံးအတွက် အကောင်းဆုံး ဖြည့်ဆည်းပေးနိုင်မယ်ဆိုရင် ဘယ်လောက်ကောင်းလိုက်မလဲ။

အမှန်တရားကိုလက်ဝယ်ပြုလို့ ဆင်းရဲစွာနေနေတဲ့လူတွေလဲ အများကြီးပါ။ ဒါပေမဲ့ သူတို့ရဲ့ စိတ်လေးတွေဟာ အမြဲဖြူစင်သန့်ရှင်းနေမှာပါပဲ။ အမှန်တရားကို မြင်နေပါလျက်နဲ့ မျက်စိပိတ်ငြင်းနေတဲ့ လူတွေကိုကျတော့ ဘယ်လို ခေါ်နိုင်သလဲ ကျနော် သေချာမသိပါဘူး လူမိုက်အားကိုးတာလား၊ သိရက်နဲ့ မိုက်နေကြတာလား၊ ဒါမှမဟုတ် နောက်ဆုတ်လို့မရတော့ဘူးထင်လို့ ရှေ့ကို မျက်လုံးစုံမှိတ်ပြီး လျှောက်နေရတာလား ဒီလိုလူမျိုးတွေကို မြင်နေရတာ တကယ့်ကို စိတ်မချမ်းသာစရာပါပဲ။ ဒီလိုလူမျိုးတွေတာ အမှန်တရားကိုလက်ခံပြီး လုပ်သင့်လုပ်ထိုက်တာကို လုပ်ခဲ့မယ်ဆိုရင် လူသားတွေဖြစ်တဲ့ ကျနော်တို့တွေ အားလုံး အေးချမ်းသာယာပြီး ပျော်ရွှင်နေရမှာပါပဲ. တခါတရံ ဂုဏ်ပကာသနတွေကို မက်မောသာယာပြီး ဒီလောကကြီးမှာ လူဘ၀တခုလုံး ပြည့်စုံစေတယ်လို့ ယူဆနေကြပါတယ်။ ဒါတွေဟာ လူနည်းစုပဲဆိုတာ သူတို့တွေ မစဉ်းစားမိတာလား.........

ကျနော်တို့နေနေတဲ့ ဒီကမ္ဘာကြီးပေါ်မှာ အမှန်တရားဆိုတာ တဖြည်းဖြည်းလျှော့နဲလာပါတယ်။ ကျနော် အပါအ၀င် လူသားတိုင်း ငါအတွက်ဆိုတာကိုပဲ ဦးစားပေးနေရတာပါ။ ငါမိသားစု၊ ငါချစ်တဲ့လူ အဆင်ပြေဖို့ အရေးအကြီးဆုံးဆိုတာ လက်တွေ့မှာပိုပြီး ယေဘုယျကျတယ်ဆိုတာ လက်ခံပါတယ်။ ဒါပေမဲ့အားလုံးသောလူသားတွေတာ ငါမိသားစုအတွက်၊ ငါပတ်ဝန်းကျင်၊ ငါနိုင်ငံ၊ ငါနေတဲ့ကမ္ဘာအတွက်ဆိုပြီး စိတ်ကောင်းလေးများထားပေးနိုင်ခဲ့မယ်ဆိုရင် ကျနော်တို့ကမ္ဘာကြီးပေါ်မှာ သာယာစည်ပင်လှပနေမှာပါ။ အဲအချိန်မှာ စစ်မက်တွေဖြစ်ပွါးနေမဲ့အစား လူမျိုး၊ဘာသာမခွဲခြားပဲ လက်ချင်းတွဲလို့ သာယာတဲ့ဘ၀ကြီးကို ဖြတ်သန်းနေရမှာပါ။

လွတ်လပ်စွာ ကွဲလွဲနိုင်ပါတယ်။ စိတ်ထဲရှိတာရေးခြင်းပါ။ ကျနော်ချစ်သော လူများအားလုံး ကျန်းမာချမ်းသာကြပါစေ။


*** ကျနော့်ကို အမြဲအားပေးနေတဲ့ ချစ်သောဘလော့ဂါ၊ ညီအကို မောင်နှမများ၊ သူငယ်ချင်းများ အားလုံးကို ကျနော်အရမ်းကျေးဇူးတင်ပါတယ်။ အားလုံးစိတ်အနှောင့်အယှက်ဖြစ်သွားရတဲ့အတွက် ကျနော် တောင်းပန်ပါတယ်။