စစ်ပွဲ... စစ်ပွဲဆိုသော စကားလုံးကို ကျနော်မုန်းတီးသည်။ ရွံ့ရှာစက်ဆုပ်သည်။ စစ်ဟုဆိုလိုက်လျှင် ဘယ်စစ်မှမကောင်းပေ။ တရားသောစစ်ပွဲဖြစ်သည်ဖြစ်စေ မတရားသောစစ်ပွဲဖြစ်သည်ဖြစ်စေ ကျနော်မုန်းတီးသည်။ စစ်ပွဲတပွဲ ဖြစ်တည်ဖို့ ဘယ်အရာတွေပေးဆပ်ခဲ့ကြရသလဲ တွေးကြည့်လျှင် အရာအားလုံးသည် တရားမျှတမူမရှိသောအရာတွေသာ ဖြစ်လာပေလိမ့်မည်။ ကျနော်တို့ လက်ခုပ်တီးသလိုပင် လက်ခုပ်တီးသည်ဆိုတာ လက်နှစ်ဖက် ပေါင်းဆုံမှ တီးလို့ရသည်။ မဟုတ်လျှင် အသံထွက်လာမည်မဟုတ်ပေ.. ဒီတော့ စစ်ပွဲဆိုသည်မှာလဲ နှစ်ဦးနှစ်ဖက်လုံး အညှိုးအာဂတတွေကြောင့် ဖြစ်လာရသည်။ တကယ့်ကြားထဲက မြေဇာပင်ဖြစ်ရသည်က ပြည်သူတွေသာဖြစ်ပေသည်။ သူတို့၏ စိတ်ထဲတွင် အနိုင်ရလိုမူတွေသာ ကြီးစိုးနေပေသည်။ ကျနော်တို့လိုပြည်သူတွေ ဒုက္ခရောက်၊ စားရမဲ့ဘ၀ရောက်နေရသည်ကို သူတို့ ထည့်မစဉ်းစားတတ်ပေ။ တကယ်၍များ ဒီလိုပြည်သူတွေထဲမှာ သူတို့လေးစားချစ်ခင်ရတဲ့ မိဘတွေ၊သားသမီးတွေ မပါဘူးဟု သူတို့တွေးထင်နေသလော....



စစ်ပွဲတပွဲ ဖြစ်လာရတဲ့ အကြောင်းရင်းတရားများစွာ ရှိနေပေလိမ့်မည်။ မိမိအုပ်ချုပ်သည့်နေရာဒေသကို တပါးသူများက မတရားကြီးစိုးလာ၍လဲ ဖြစ်နိုင်သည်။ ဒါမှမဟုတ် မိမိတို့ သူများနယ်မြေကို မတရားသိမ်းပိုက်ချင်၍လဲ ဖြစ်နိုင်သည်။ ဘယ်လိုပဲဖြစ်ဖြစ် ဒီစစ်ပွဲတခုဖြစ်ပြီဆိုလျှင် တိုင်းပြည်သည်လဲ အနဲနှင့်အများဆိုတလို ထိခိုက်နိုင်ပေသည်။ စစ်ပွဲတပွဲဖြစ်လာပြီဆိုလျှင် ဘယ်သူဖက်က မှားသည်၊မှန်သည်ဟု ခွဲခြားဆုံးဖြတ်၍ မရနိုင်ပေ။ လူတိုင်းသည် မှန်သည်ထင်၍ လုပ်နေကြခြင်းသာဖြစ်သည်။ အယူအဆလွဲမှားရင် လွဲမှားနေပေမဲ့ သူတို့ခံယူချက်သည်သာ အမှန်ဟုသုံးသပ်ခံယူသည်။ ထို့အတွက် ဘယ်သူကတော့ မှားသည်၊မှန်သည်ဟု ခွဲခြားဖို့ ခဲယဉ်းပေလိမ့်သည်။ အာဖဂန်လို နိုင်ငံမျိုးတွင်လဲ အစွန်းရောက်လူသားတချို့၏ အယူအဆလွဲမှားမူကြောင့် နေ့စဉ်လို အသေခံဗုံးကွဲမူတွေ ဖြစ်နေကြရသည်။ ထိုကိစ္စတွင် လူအများက အသေခံဗုံးခွဲသူများကို မှားယွင်းသည်ဟု မြင်ကြပေလိမ့်မည်။ ဒါပေမဲ့ သူတို့အယူတွင်တော့ သူတို့ယုံကြည်ရာသူတို့လုပ်သွားသည်ဟု ခံယူနေမည်သာ ဖြစ်ပေသည်။ ဒီတော့ ဘယ်သူ့အပြစ်ရှိလဲ ပြောရခက်သည်။ တကယ်ဒုက္ခရောက်ရသည်ကတော့ ပြည်သူပြည်သားတွေသာဖြစ်ပေသည်။

သတင်းနားထောင်တော့လဲ စစ်ပွဲသတင်းတွေသာ များနေသည်။ ဘာကြောင့် ငြိမ်းချမ်းရေးကို ဦးမတည်ပဲ လက်နက်အားကိုးနေကြသလဲ စဉ်းစားမရဖြစ်နေမိသည်။ ဂျပန်နိုင်ငံရဲ့ HEROSHIMA အဖြစ်အပျက်ရဲ့အနိစ္စမြင်ကွင်းတွေ၊ အီရတ်စစ်ပွဲရဲ့ မြင်ကွင်းတွေ ဒါတွေကိုသူတို့ မသိချင် ဟန်ဆောင်၍များ တိုက်ခိုက်နေကြသလော... HEROSHIMA အနုမြူဗုံးကြောင့် လက်ရှိအချိန်ထိ ရောဂါခံစားခဲ့ရတဲ့ ပြည်သူတွေက ထုနဲ့ဒေး.. ယခုလဲ ကြားနေရပြန်သည် ကျနော်တို့တိုင်းပြည်တွင် ကိုးကန့်နှင့် လက်ရှိအစိုးရ ဦးစီးသော စစ်တပ်ဆိုတာနဲ့ ဖြစ်ပျက်နေကြသည်။ ဒီတော့ ဘယ်သူနစ်နာလဲ ပြည်သူတွေသာ နစ်နာသည်။ အခြေခိုင်စ စီးပွါးရေးတွေ ပျက်စီးသည်။ အိုးအိမ်မဲ့ဖြစ်ရသည်။ သားသမီး မိဘဆွေမျိုးတွေ အသက်ဆုံးရှုံးရသည်။ အရွယ်မရောက်သေးတဲ့ကလေးငယ်တွေ မိဘမဲ့ဖြစ်ရမည်။ ဒီကလေးငယ်တွေကို ဘယ်သူဘယ်လိုကြည့်ရှု စောင့်ရှောက်မလဲ....


သူတို့လေးအရွယ်ဟာ မိသားစု စုံစုံလင်လင်နဲ့ မိဘရဲ့ အရိပ်အောက်မှာအေးချမ်းစွာ ခိုလှုံနေရမဲ့ အချိန်။ ယခုကျနော်တို့ တိုင်းပြည်မှာနေကြတဲ့ ပြည်သူပြည်သားတွေ ဒီလိုစစ်ပွဲကြောင့်ဘယ်လောက်ဒုက္ခရောက်နေပြီလဲ။ ထိုင်းနယ်စပ်မှာ အမှိုက်ပုံကို အမှီပြုပြီး အသက်မွေးဝမ်းကြောင်းပြုနေရသူများကို မြင်နေရသည်။ သူတို့လေးတွေရဲ့ အနာဂတ်က ဘယ်လောက်ထိများ ကြီးထွားနိုင်ပါဦးမလဲ အဲ့ထဲမှာနေ အိမ်ထောင်ပြု ကလေးမွေး ဒါနဲ့ မျိုးဆက်တခုလုံး အဲ့လိုဖြစ်ရပေဦးမည်။ ရောဂါပေါင်းစုံ၊ အနံ့ပေါင်းစုံနဲ့ အမှိုက်တွေထဲ ၀မ်းရေတခုအတွက် အဲ့လောက် ရုန်းကန်နေရသည်။ ကျနော်တို့ တိုင်းပြည်က ပြည်သူတွေ အဲ့လောက်ဒုက္ခရောက်နေရသည်။ ဒါကို အရေးမစိုက် တရားသည်၊မတရားသည်ဟုမတွေး တယောက်နဲ့တယောက် ရန်စောင်တိုက်ပွဲတွေ ဖြစ်နေကြသည်။

အရွယ်မရောက်သေးသူတွေ စစ်မြေပြင်မှာ မြေဇာပင် ဖြစ်နေရသည်။ နိုင်ငံတကာမှာ အရွယ်မရောက်သေးသူများကို စစ်တပ်ထဲ ၀င်ခွင့်မပေးတဲ့ ဥပဒေရှိသည်။ ဒါပေမဲ့ ဒီပြဿနာသည် နိုင်ငံတကာမှာ ဖြစ်နေမြဲ၊ ဆက်၍လဲ ဖြစ်နေဆဲဖြစ်သည်။ ဒါသည်ဘာကိုပြသလဲဆိုသောအခါ တိုင်းပြည်ကိုအုပ်ချုပ်သောသူတို့သည် သူတို့၏ကျေးဇူးရှင် ပြည်သူတွေကို မလေးစားသော၊ သိက္ခာမရှိသောအလုပ်ကိုလုပ်နေသည်ဟု ပြသနေသည်။ ဘာကြောင့် အရွယ်မရောက်သေးသူတွေကို စစ်တပ်ထဲခေါ်ဆောင်ရလဲ ကျနော်မတွေးတတ်၊ ကလေးငယ်တွေမှာ ပညာလဲကောင်းစွာ မသင်ရသေး၊ အမှားအမှန်လဲ သေချာပိုင်းခြားစွာ မသုံးသပ်နိုင်သေးသောအချိန်တွင် ဒီကလေးငယ်တွေရဲ့ ဦးနှောက်တွေထဲကို မှန်တာကော၊မှားတာတွေကော အတင်းအဓ္ဓမ ရိုက်သွင်းပေးလိုက်လျှင် ဒီကလေးငယ်တွေရဲ့ စိတ်ထဲတွင် တယူသန်စိတ်သာ ၀င်နေပေမည်။ ဘာကိုမှ နားမလည် နောက်ဆုံး အဆုံးစွန် ပြောရလျှင် မစင်ကို ထမင်းဟုပြောကျွေးလျှင်တောင် စားနိုင်သည့်စိတ်ဓါတ်ဖြစ်သွားပေမည်။ ဒါကိုပဲ လိုချင်လို့ လုပ်ဆောင်သည်လားးးးးးးး ဒီကိစ္စသည် နိုင်ငံတကာမှာ ဖြစ်နေသည် ကုလသမဂ္ဂလဲ မကယ်နိုင်တင်သေးပေ......

တကယ်၍များ လူသားတိုင်းသည် လူသားဆန်သည့်စိတ်ဓါတ်မျိုး မွေးမြူကြမည်ဆိုလျှင် ကျနော့်တို့နေထိုင်သော ကမ္ဘာကြီးသည် သာယာမူတွေနဲ့သာ ပြည့်နေပေမည်။ စစ်ဆိုတာမရှိ တယောက်နဲ့တယောက် ငြိမ်းချမ်းစွာလက်တွဲနိုင်ပေမည်။ ဤကဲ့သို့ ဖြစ်တည်လာရန် အဘယ်ကြောင့်ခက်ခဲနေသလဲ.. ထိုကဲ့သို့ ငြိမ်းချမ်းသောကမ္ဘာကြီး ဖြစ်လာဖို့ ဘာတွေ လုပ်ဆောင်ဖို့လိုသလဲ.. တကယ်တော့ တခုထဲသာလိုအပ်ပါတယ်... အဲ့ဒါလေးက ကျနော်တို့စိတ်ဓါတ်လေးကို ပြင်လိုက်ယုံပါပဲ.. ဘာသာတရားအနေနဲ့ကြည့်မယ်ဆိုလဲ (တခြားဘာသာဝင်တွေကို ရှုံ့ချစရာမလိုပဲ)အစွန်းရောက်စွာမကြည့်ရှုပဲ၊ အာဏာတွေ၊ တစ်ဦးကောင်းဖြစ်ဖို့တွေကို ရူးမိုက်စွာမစွဲကိုင်ထားပဲ လူကို လူတယောက်လို မြင်တတ်ဖို့ပါပဲ.. ကိုယ်လုပ်လိုက်တဲ့ အဖြစ်လေးတွေဟာ ကိုယ့်ဆီကိုယ်လဲ တချိန်ပြန်လာမယ်ဆိုတာ၊ သူ့နေရာမှာ ငါ ဒါမှမဟုတ် ငါမိသားစုသာအဲ့လိုဖြစ်ခဲ့မယ်ဆိုရင် ဆိုတဲ့ အတွေးလေးတွေသာရှိခဲ့ရင်ဖြင့် ကျနော်တို့လိုအပ်နေတဲ့အရာတွေ၊ ငြိမ်းချမ်းမူတွေ မလွှဲမသွေ ရလာမှာပါ... တကယ့်ကို အတွေးလေးတချက်ထဲပါဗျာ............

အားလုံးသော ပြည်သူပြည်သားများ အသက်အိုးအိမ်မြဲပြီး မိသားစုနဲ့မကွဲမကွာ အဆင်ပြေ ချောမွေ့ပါစေလို့ ဆုတောင်းပေးလျက်ပါ....

မှတ်ချက်။ ။ ပုံလေးကို Google ကယူပါတယ်။း)