အမြင်နီးနေပေမဲ့ ခရီးဝေး ဆိုတဲ့ စကားပုံအတိုင်းပေါ့။ ကျနော် ပျံသန်းလာတာ အခုဆို မိုင်တိုင်တွေ တခုပြီး တခုနဲ့ ဘာလိုလိုနဲ့ မိုင်တိုင် ၂၄ တောင်ကျော်လွန်လာခဲ့ပြီလေ။ နောက်မဝေးတော့တဲ့ မိုင်တိုင်အနဲငယ် ပျံသန်းပြီးရင်တော့ ကျနော် ရောက်ချင်တဲ့ ပန်းတိုင်လေးကိုတော့ ရောက်ရမှာပေါ့။ ကျနော် စပြီး ပျံသန်းခဲ့တဲ့ ဒီချစ်စရာ၊ ကြည်နူးစရာ တောင်တန်းတွေဆီကို ကျနော် ပြန်လည်အရောက် ပျံသန်းသွားမှာလေ။

အခုတော့ ကျနော် ခြင်္သေ့မကျ၊ ငါးမကျ အရုပ်ကြီးပေါ်မှာ ခေတ္တခဏ ရပ်နားနေတုန်းပေါ့။ တခါတလေ ဒီအကောင်ကြီးရဲ့ ဟိန်းချက်ကလဲ ကြောက်စရာ အကောင်းသားဗျာ။ အခန့်မသင့်တဲ့၊ ကံအကြောင်းမလှတဲ့ ကျနော်အဖော်တချို့တောင်မှ သူရဲ့ ဟိန်းဟောက်မူ ကြားမှာ အသက်တွေ ပါလုမတတ်ဖြစ်ခဲ့ရသေး။ ဒီတောကြီးထဲမှာ အမျိုးအနွယ်ပေါင်းမျိုးစုံ လာရောက်ခိုလှုံနေကြလေရဲ့။ စရိုက်အမျိုးမျိုးနဲ့ တခါတလေ တကောင်ထဲ အော်ဟစ်နေတတ်တဲ့ ကျီးကန်လို ကောင်လဲ ရှိရဲ့။ တခါတလေ ဒေါင်းယောင်ဆောင်ထားတဲ့ ကျီးငှက်တွေကိုလဲ တွေ့မိလေရဲ့။ တခါတလေ ပျံသန်းရင် ကျနော်တို့လို မျိုးနွယ်ဝင်တွေကိုလဲ မျက်နှာငယ်လေးတွေလဲတွေ့ပါ။ တွေ့နေကြကတော့ လူအများ အလစ်ကို ချောင်းပြီး စားမဲ့ ဒီကျွန်းပေါ်က ဇရက်တွေပေါ့ သြော် သူတို့လဲ တဖြေးဖြေးနဲ့ ငါတို့လိုမျိုးနွယ်စုတွေရဲ့ သဘောတရားတွေကို နားလည်နေကြပါကောလား။

ဒါတောင်မှ ဒီကျွန်းလေးရဲ့ အရှင်ခြင်္သေ့မကျ၊ ငါးမကျ သတ္တ၀ါကြီးက စေတနာ အနဲငယ်ကောင်းလို့ မဟုတ်ရင် ငါတို့လဲ လဒတွေ ကြီးစိုးတဲ့ နေရာမှာ နေနေရပြီးပေါ့။ ဟော ရှေ့မှာ ပြာလဲ့လဲ့ ပင်လယ်ပြာကြီးရှိနေတယ်လေ ဒီပင်လယ်ကြီးကို ငါ ဖြတ်သန်းဖို့ ကြိုးစားနေတာလဲ ကြာလှနေပြီ။ ဒါပေမဲ့ အဆုံးအစ မမြင်ရတဲ့ ဒီပင်လယ်ကြီးကို ဖြတ်သန်းဖို့ ကိုယ့် ကိုယ်ကို ပြန်ကြည့်လိုက်မိတိုင်း အတောင်တွေ မစုံလင်သလိုလို၊ ဒီပင်လယ်ကြီးကို ဖြတ်သန်းနိုင်ဖို့ ငါမှာ အင်းအားကော ရှိပါ့မလားဆိုတဲ့ စိုးရိမ်စိတ်တွေ ၀င် ၀င်လာမိပြန်တယ်။ လှိုင်းဒဏ်တွေ ဘယ်လောက် ကြမ်းကြမ်း အမြဲပျော်ရွှင်နေတတ်တဲ့ ငါ သူငယ်ချင်း စင်ယော်ငှက်လေးတွေကို ကြည့်ပြီး အားကျမိပါရဲ့။

ဒီပင်လယ်ကြီးကို ကျော်သွားရင် ငါနေတဲ့နေရာ တောင်တန်းလေးကို ပြန်ရောက်မယ်ဆိုတာ ငါသိနေတယ်။ ဒါပေမဲ့ အသိသာရှိပြီး လမ်းပျောက်နေတဲ့ ငါတို့လို ငှက်ငယ်တွေအများကြီး ဒီခြင်္သေ့မဟုတ် ငါးမဟုတ် သတ္တ၀ါကြီးပေါ်မှာ ခိုတွယ်နေကြတယ်လေ။ သြော် စကားမစပ် ငါပေါက်ဖွားလာတဲ့ တောင်တန်းတွေအပြည့်နဲ့ အရပ်ကို ပြောပြဦးမယ်။ မနက် လင်းအာရုဏ်လာရင် ငါတို့ရဲ့ သူငယ်ချင်းတွေ အတူတူထပြီး တေးသံသာတွေနဲ့ ဖျော်ဖြေကြတယ်။ ငါနေတဲ့ အရပ်မှာ အသားစားမဲ့ လူဘီလူးတွေ မရှိဘူး။ တယောက်ကို တယောက် ခေါင်းပုံဖြတ်စားတတ်တဲ့ လူလောကကြီး မရှိဘူး ငါမသိခဲ့ဘူး။ ငါနေတဲ့ အရပ်က အေးချမ်းတယ်။ မနက်ခင်းဆို တောင်ပံတွေ ဖြန့်လို့ လှသွေးကြွယ်နေတဲ့ ဒေါင်းလေးတွေ ရှိတယ်။ ဟသာင်္တွေ ရှိတယ်။ ကြိုးကြာတွေ ရှိတယ်။
ဟိုကောင်းကင်အမြင့်ကြီးပေါ်မှာ ပျံဝဲနေတဲ့ သိမ်းငှက်တွေ ရှိတယ်။ အရောင်အသွေးစုံလှတဲ့ ငှက်တွေ ရှိတယ်။

ငါနေတဲ့ အရပ်မှာ စမ်းချောင်းလေး တခုစီးဆင်းနေတယ်။ အားလုံးဟာ ဒီစမ်းချောင်းလေးမှာ မှီတင်းပြီးနေထိုင်ကြတယ်လေ။ စမ်းချောင်းထဲက ရေတွေဟာ ငါ့အမေ့ရဲ့ မေတ္တာတွေအတိုင်းပေါ့။ ဘယ်တော့မှ ခမ်းခြောက်တယ် မရှိဘူး။ အော် ငါ့အမေ့လား ငါအမေ့ဆိုတာ ငါကို မွေးထုတ်ပေးထားတာလေ။ သူရှိလို့ ငါဒီလောကကြီးမှာ ကိုယ်ပိုင်အတောင်နဲ့ ပျံသန်းနေနိုင်တာပေါ့။ သူလား ငါ့ကို သိပ်ချစ်တာပေါ့။ ငါကို ရန်ရှာမဲ့ ရန်သူတွေ လာရင် ငါအမေ့က ငါတို့ကို စောင့်ရှောက်ပေးတယ်လေ။ ငါတို့ အကောင်ပေါက်စတုန်းကဆို အစာတွေကို ငါအမေပဲ ရှာကျွေးရတာပေါ့ ။ တခါတလေများ အစာရဖို့ သူမှာ ရှာဖွေလာရတာ ခက်ခက်ခဲခဲပဲ။

အစားကျွေးတာတောင် သူပါးစပ်ထဲကနေ ပြန်အံထုတ်ပြီး ကျွေးတာ။ အဲလောက်ထိ ငါတို့ အမေက ငါတို့ကို ချစ်တာပေါ့။ သြော် အရွယ်လေးနဲနဲလေး ရောက်လာတော့ ဒီလောကကြီးမှာ ဘယ်လိုနေထိုင် ပျံသန်းရမယ်ဆိုတာလဲ ငါ့အမေပဲ လမ်းပြခဲ့တာပေါ့။ ဒီလိုသာ လမ်းပြမဲ့သူ မရှိခဲ့ရင် ငါလဲ ငါ့တောင်ပံကိုငါ ဘယ်လို ခတ်ရမှန်းတောင် သိမှာ မဟုတ်ပါဘူး။ ဒါကြောင့် ငါ့အမေဟာ ငါအတွက် တန်ဖိုးဖြတ်မရတဲ့ အရာတခုပေါ့ဗျာ။

အခုလား ငါ ငါ့အမေနဲ့ ဝေးနေတဲ့ နေရာမှာလေ။ ငါအမေအခုဆို အသက်တွေကြီးနေပြီပေါ့။
အရင် ငယ်ရွယ်စဉ်တုန်းက ဖျက်လတ်ခဲ့တဲ့တောင်ပံတွေက ခတ်တာကြာလို့ အတောင်တွေ ညောင်းနေလောက်ရောပေါ့။ အရင်လို အစာတွေ ကောင်းမွန်စွာ ရှာနိုင်သေးရဲ့လား။ အမေ့ကို ရန်ရှာလာမဲ့ ရန်သူတွေကို ငါ့အမေ့ ပြန်ခုခံနိုင်သေးရဲ့လား။ ဒါတွေကို ငါ စဉ်းစားမိတယ်။ တနေ့နေ့ပေါ့ ငါလဲ ငါအမေ့ရှိရာ အရပ်ကို မရောက်ရောက်အောင် ပျံသန်းသွားမှာပါ။ အခုချိန်ထိတော့ ငါတယောက်ထဲ အတောင်တွေခတ်ပြီး ပျံသန်းနေဆဲပေါ့။ တခါတလေ မသမာသူ လူတချို့ကြောင့် ငါအတောင်တွေ ပျက်စီးခဲ့ရင် ငါအမေကို တမ်းတနေမိတုန်းပါ။ ငါအမေရဲ့ အကာအကွယ်ပေးမူကို ငါတောင့်တဆဲပါ။

ငါ့အမေပြောဖူးတဲ့ စကားလေးတခုတော့ ငါစိတ်ထဲမှာ စွဲနေဆဲပါ။ အတောင်တွေ မကျိုးမချင်း ကိုယ်ရောက်ချင်တဲ့ ပန်းတိုင်ကို အရောက်ပျံသန်းသွားပါတဲ့။ အခုထိတော့ အမေရေ အတောင်တွေ မကျိုးသေးပါဘူး။ အမေ့သား ဆက်လက်ပျံသန်းဆဲပါ။ ဒါပေမဲ့ တခါတလေ ရာသီဥတုဒဏ်ကြောင့်တော့ တောင်ပံထက်က အမွှေးလေးတွေ ကြွေလွင့်ခဲ့တယ်အမေ။
မွှေးသစ်တွေ မပေါက်ခင်မှာတော့ ချည့်နဲ့စွာနဲ့ပေါ့။ဒါပေမဲ့ အမေ့သား ပျံသန်းဆဲပါ။ ဟိုကောင်းကင်ထိပ်ဖြာက တိမ်ငွေ့တွေဆီ ရောက်တဲ့ထိ ရှိတဲ့အားနဲ့ ပျံသန်းဆဲပါ။ ငါယုံကြည်နေတယ် ငါ့အမေလဲ အရင်လို မဖျတ်လတ်နိုင်တောင်မှ ရှိတဲ့ ကျန်နေသေးတဲ့ အားတွေကို အသုံးချပြီး တောင်ပံတွေ ခတ်နေဆဲ၊ ပျံသန်းနေဆဲဆိုတာ ဒီလိုပျံသန်းနေရင်းနဲ့ တချိ်န်မှာတော့ ငါတို့မိသားစုတွေ ဆုံတွေ့ကြရမှာပါ။ ငါတို့မှာ တောင်ပံတွေ ရှိနေသေးတယ်လေ ပျံသန်းဆဲပါ…….


စာကြွင်း ။ ။ ဒီပိုစ့်လေးမှာ ငါဆိုတဲ့ စကားလုံးလေးကို သုံးထားမိပါတယ်။ စာဖတ်သူများ ကသိကအောက် ဖြစ်ခဲ့ရင် ကျနော်တောင်းပန်ပါတယ်။

(၁၀.၁.၂၀၀၉) ပြာသိုလပြည့် အမေများနေ့တဲ့

ကျနော်ရဲ့ သူငယ်ချင်းတယောက်က ကျနော်ကို အသိပေးလိုက်မှ အမေ့ကို တမ်းတမိတဲ့ သားလူမိုက်တယောက်ပါ။ အမေများနေ့မှာ ချစ်သောအမေများနဲ့ အတူပျော်ရွှင်နိုင်ကြပါစေဗျာ……………